ما لم يخبرك به الأغنياء.. الخيار الأمثل للاستثمار في الوقت الحالي!
لمعرفة احدث اسعار الذهب العالمية و المحلية من الرابط دة
https://malekcars.com/365984-2/
رابط قناة حلقات القصص البوليسية :
برنامج القصة من الاول
/ @yassergomaa2
وشكرا لدعنك لنا
#istandwithisareal
تفتكر الناس الأغنياء بيفرق معاهم ارتفاع التضخم، أو غلاء الأسعار؟!.. بالعكس، دول بيسفيدوا من الحالة دي جدا..
والسؤال هنا.. أزاي، وأنا لسة موصلتش لمرحلة الغنى المادي اللي في دماغنا دي، أقدر على الأقل خالص احمي نفسي من التضخم، وياسلام لو نزود فلوسنا شوية واحنا نايمين في البيت، مافيش مشاكل!.
طبعا المرحلة دي بتتطلب وقت وجهد كبير جدا، لحد ما نقدر نستغنى عن الوظيفة، وننطلق في مشاريعنا الخاصة، وبعد كدا نتعب أكتر وأكتر في مشروعنا لحد ما ينجح، ومن ثًمّ متبقاش خايف من التضخم، ولا فارق معاك غلاء الأسعار.
رغم الصعاب اللي أنا قولتها دي كلها، إلا أننا كلنا عندنا فرصة نحافظ على فلوسنا ونحقق عليها عائد كويس أوي في الوقت الحالي، حتى لو الفلوس دي قليلة.. ومنبقاش خايفين من ارتفاع الأسعار ولا التضخم
ولكن السؤال هنا قبل ما أقولك تعمل أيه..
هل الأسعار بتزيد، ولا قيمة العملة هي اللي بتقل؟!
وقبل ما تشغل عقلك بحل السؤال.. أحب أجاوبك وأقولك الأسعار مابتزيدش خالص، ولكن قيمة العملة هي اللي بتقل.. وكلامي هنا مش ع الجنيه فقط.. لأ دا الجنيه والدولار والين واليورو وكل العملات الورقية دي..
يبقى أنا عشان أبقى جامد قدام التضخم، وحامي نفسي من أي أزمات مالية.. لازم يكون معايا عملة قوية، قيمتها مابتقلش مهما حصل..
وكلامي هنا عن الذهب!
الذهب هو الخيّار الأمثل للاستثمار في كل العصور.. وأكبر وأغنى رجال الأعمال دايما بينصحوا باقتناء الذهب.. عشان وقت ما استثماراتك تخسر لقدر الله لأي سبب من الأسباب، يكون معاك حاجة مادية تعوضك عن الخسارة دي.
يعني عندك مثلا هنا في مصر، المهندس نجيب ساويرس غني عن التعريف علطول بينصح في أي مناسبة بإن الفرد لازم يكون عنده 30% من محفظته المالية عبارة عن ذهب.
ولكن مع ذلك دايما، بيقابلنا تخوفات كتيرة جدا قبل ما نشتري الذهب، بالذات إحنا كأفراد عاديين، الفلوس اللي معانا دي ممكن تكون تحويشة العمر، وممكن يجرالنا حاجة لقدر الله لو ضاعت مننا.
فتلاقينا خايفين لنشتري انهاردة وبعدين السعر ينهار بكرا، أو خايفين نشتري ذهب ونضيع فرصة أفضل للاستثمار في حتة تانية نقدر نحقق منها عائد أكبر.
فا أنا انهاردة جاي أقولك أيه اللي ممكن يحصل في أسعار الذهب الفترة الجاية، وهقولك كمان ليه نشتري ذهب مش حاجة تانية؟
وليه الناس في فيتنام دلوقتي بيقفوا طوابير من الفجر عشان يلحقوا يشتروا حتة ذهب واحدة
وفي نفس الوقت الصين وقفت شراء للمعدن الأصفر بقالها شهرين ع التوالي، بعد ما كانت بتشتري لمدة 18 شهر ورا بعض كإن الذهب هيخلص من العالم كله وهي بتلحق تلم أي حاجة.
حاجات كتير جدا عايزين ناخد بالنا منها، يمكن نستفيد كلنا، ونقدر نقف قدام التضخم.
ولكن قبل ما نبدأ حلقتنا متنساش الاشتراك في قناتنا على اليوتويب و الفيس بوك علشان تتابع معانا كل جديد.
رابط الاشتراك في القناة في صندوق الوصف و في أول كومنت مثبت في الفيس بوك و اليوتيوب
يلا بينا نبدأ حلقتنا
أولا أيه هو التضخم؟!
باختصار شديد، هو إن يكون معاك 100 جنيه دلوقتي تقدر تشتري بيها 10 علب لبن، ودا على سبيل المثال.. يعني كدا العلبة بـ10 جنيه..
تعالى نفترض إنناشيلنا الـ100 جنيه دي في الدرج بتاعنا.. وجينا بعد سنة نطلعها، ورحنا السوبر ماركت، لقينا الـ100 جنيه ماتجيبش غير 6 علب لبن فقط لاغير، بعد ما كانت بتجيب 10 السنة اللي فاتت.
وهو دا التضخم.. ببساطة شديدة.
طب هنفترض بقا.. إن الـ10 علب لبن دول كانت قيمتهم تساوي جرام واحد ذهب.. جينا بعد سنة.. ممكن تلاقيهم بيساوي جرام برضو أو أقل من جرام..
ودي ميزة الذهب اللي كلنا عارفينها.
في فيتنام.. البنك المركزي الفيتنامي أضطر إنه يخرج جزء كبير من احتياطي الذهب بتاعه للبنوك التابعة عشان تبيعه للجمهور..
ودا بسبب الضغط الكبير جدا على الشراء، رغم إن سعر الأوقية هناك حوالي 3000 دولار، يعني أعلى من السعر العالمي بـ600 دولار تقريبا.
بيع الذهب في فيتنام بيبقى من خلال 4 بنوك تابعة للحكومة، فلك أن تتخيل إن ممكن شخص يروح يقف في طابور قدام البنك من الساعة 4 الفجر لحد الساعة 10 الصبح عشان يشتري جرام واحد، وفي الآخر المخزون بتاع البنك يخلص، ويقولك تعالى بكرة!
والسؤال هنا.. ليه دا بيحصل؟!
باختصار شديد..إن الشعب الفيتنامي مر بتجربة نصب مالية، خلته يفقد الثقة في بديل تاني عن الذهب..
ودا كان بسبب إن فيه واحدة ست إسمها «ترونج ماي لان».. عندها واحدة من أكبر الشركات العقارية في فيتنام.. الست دي قدرت بطريقة معينة إنها تستحوذ على أكبر بنك هناك في فيتنام بالكامل، رغم إن دا ممنوع.. والمسموح إن الفرد ما يمتلكش أكتر من 5% من أصل البنك، ولكن هي قدرت تتحايل ع القانون بطريقة معينة.
الفكرة بقا إنها استغلت امتلاكها للبنك، وعينت فيه حبايبها كلهم، وبدأت تاخد قروض بدون أي ضمانات، وصلت لـ12 مليار دولار كاش.. كانت شايلاهم تحت البلاطة عندها..
الفكرة بقا إن الـ12 مليار دولار دول بتوع عملاء تانيين عامليين إيداعات في البنك، ولما العملاء يطلبوا إيداعتهم دي مش هيلاقوها..
#ولي_العهد_السعودي
#السعودية