Məftun Səfərli - "Şirvan şikəstəsi" - 2023
Əziz kanalımızın izləyiciləri, Sizə VIII "Muğam" Televiziya Müsabiqəsinin (2022-ci il) diplomatı, gənc xanəndə Məftun Səfərlinin ifasında "Şirvan şikəstəsi" ritmik muğamını təqdim edirik. Xanəndənin ifası Heydər Əliyev Fondu və Mədəniyyət Nazirliyinin təşkilatçılığı, Elm və Təhsil Nazirliyinin, Azərbaycan Milli Konservatoriyasının dəstəyi ilə 2023-cü ilin aprel ayında keçirilən "Milli Muğam Müsabiqəsi"nin II turu çərçivəsində lentə alınıb.
Qeyd edək ki, Məftun Səfərli 2022-ci ildə keçirilən "Muğam" Televiziya Müsabiqəsinin finalına vəsiqə almış və yekunda münsiflər heyətinin yekdil qərarına əsasən, "Həvəsləndirici mükafat" ilə təltif olunmuşdur.
"ŞİRVAN ŞİKƏSTƏSİ" ritmik muğamı
Oxuyur:
Məftun Səfərli
Müşayiət edirlər:
Tarda - Vüsal Qasımov
Kamançada - Fərrux Həşimli
Balabanda - Adil Müslümov
Nağarada - Murad Nağızadə
----------------------------------------------------------
"ŞİRVAN ŞİKƏSTƏSİ" ritmik muğamında gənc xanəndə məşhur şair Bəhman Vətənoğlunun (1932-2004) "Yazığım gəlir" qoşması və xalq bayatılarından istifadə etmişdir.
* * * * * *
Əzizim, arxa-haray
Su gəlib arxa, haray!
Qərib igid yad ölkədə,
Çağırar arxa, haray!
Əzizim, Ərzuruma
Yol gedər Ərzuruma
Dəvəsi ölmüş ərəbik,
Dözərik hər zuluma.
Dünya kiminə kef, kiminə dərd-qəm,
Bunları qanana yazığım gəlir.
Duyub, düşündükcə ömrün sonunu,
İnsanam, insana yazığım gəlir.
Ömür yollarında ağardıb birçək,
Atalar ay ellər, alimdir gerçək,
Cüt olsa sərçə də qalib gələcək,
Tək olan aslana yazığım gəlir.
Bir an çatılmazmı qaşı ovçunun?
Axmazmı gözündən yaşı ovçunun?
Dəyəndə gülləsi naşı ovçunun,
Yaralı ceyrana yazığım gəlir.
Şəhid verən torpağın hər qarışı Vətəndir
Harda segah çalınarsa, ora mənə Vətəndir
Zalım fələk kimi etdi bəxtiyar?
Ürəklərdə kədər, həsrət, intizar,
Aman Allah, dağlar boyda dərdi var,
Bəhmən tək ozana yazığım gəlir.
Əzizim, gecədən gedər,
Karvan gecədən gedər.
Həmdəmim yox sirr açım,
Zəhləm o gecədən gedər.
- - - - - - - - - - - - - - - - - - - - - - - - - - - - - - -
Sosial media hesablarımız:
Facebook : Fuad Ramazanov https://www.facebook.com/fuad.ramazan...
Instagram : ramazanovfuad https://instagram.com/ramazanovfuad?i...
WhatsApp ilə əlaqə
+994 77 403 60 04
- - - - - - - - - - - - - - - - - - - - - - - - - - - - - - - - -
F U A D R A M A Z A N O V
Yeni muğamlar dinləmək üçün kanalımıza abunə olmağı unutmayın!