Van Bawi Lian - Kan Nunsan : RAH
Kan Nunnak San : RAH Ding
+++++++++++++++++++++
Pathian ih hrilmi kan si. Kan mah in Pathian khi kan hrilmi asilo, Jesuh Khrih in kan lo hril, cucu thilṭha kumkhaw daih rahtu dingah ka lo fial a si. (John 15:16) Jesuh Khrih in a fial roriin in fialmi a si.
Pathian Ih Tumtahmi
+++++++++++++++
Pathian in kan sual rero laifang roriih ah in rundam. Cucu Pathian ih a tumtahmi asi. Kan ni misual pawl rundamnak tuahsak dinghi Pathian ih tumtahmi rori asi. (ROME 5:8 – 10 Efesa 1:1-7 | II Tim 1:9 | Gal 6:15). Kumkhaw daih ih rundamnak tuahsak ding hi Pathian ih Tumtahmi asi. Cui a tumtahmi sung ahcun Kumkhaw nungding, Rah Ṭha Rah ding khal leitlun kan nun sungah in duhsakmi cu asi.
Tleunak Le Cite
++++++++++++
Mi dang pawl ih tongtham tengteng ṭullo, mahte ih midang hrang ṭhathnemnak neih. Miih fial ruang men siloin, mah le mah sinak theihfiangih, mi dang hrang, lam hmuhtu le khawthim neh theinak a si.
Midang hnen ih um thiamnak. Himi cu midang ih hniksaknak ihsi suak dingmi thil asi. Midang ih pawlkom le ṭuanpi veten thawtnak langsuahnak a si. Kan mah ruangah midang an nuam maw? Kan mah ruangah midang in ziangmi an tuah? Kan um ruangah midang an hmin a ṭhat phah thei maw? timi pawl an si. (Matt 5:13)
Kan Rah Cu Miih In Theih Theinak Asi
+++++++++++++++++++++++++++++
Pathian thuphuannak ih Thlarau Huham kan neih theilonak le kan cah theilonak san pawl khal, midang hmuhloih kan tuahmi pawl ruangah an si. Midang pawl ih hmu ahcun amawi zawng ih tuah a theih nan, kan mahte kan um ih kan tuahmi thil fate ihsin a thok lo ahcun huham an nei theilo asi. Mi ziangvek an si ti cu an tuahmi in nan thei ding. Hling kung ihsin sabit a rah dah lo; lenhling khal in theipi a rah dah keel lo. (Mat 7:16)
Mino Ih Kan RAH Theinak Ding Cu Pathian Theih Asi
++++++++++++++++++++++++++++++++++
Mino in Pathian theih ringringnak ihsin kan nun nuamzet ih hman thok ding hi Pathian ih induhsak dan asi. (Thusimtu 12)Cumicu kan RAH a rah theinak dingih tuahding hmaisabik asi. Sersiamtu theih ringring timi cu Pathian pehtliah ringring tinak khal asi. Amah locun kan ni cun zianghman kan tuahtheilo asi. (John 15:5)
+++++++++++++++++
YouTube:
C-Ministry Music- / cministrymusic
C-Ministry Sermon- / cministry
FB & IG
Facebook Page: / christcanchange
Instagram IG: / c.ministry19
Email:
[email protected]