Hnangamdaihnak - Uk Lian
Hnangam Daihnak (John 14:1-31) | Uk Lian
Jesuh in thinhar le beidong ih kan umlonak dingah tiamkamnak in nei. Kan leitlun caan a cem tikah, kumkhua kan innpi vanram nuam ah in hruai ding. Hmaiton ih kan hmuh lomi Pathian kan zum vek thotho in Jesuh zum ve dingah a dungthluntupawl a cah. Pathian le Jesuh pumkhat an si thu khal fiangte’n a sim hai (John 14:10). Siat theilo van inn nuam ih fehtu ding kan si ruangah thinhar tukih caan hmang ringring dingin duh lo. Jesuh Khrih cu sangka asi ruangah Amah ihsin a luttu poh cu kumkhua nunnak an nei ding (John 10:9).
Nitin kan nunnak ah thinhar le beidong ih kan um lonak ding san cu, Jesuh Amah hi “Lamzin”, “Thutak” le “Nunnak” asi. Amah fehtlangin, Amah ruangah vanah kan feh ding, van fehnak lamzin kan thei. Jesuh cu kan nunnak lamzin pi asi. Amah cu thutak asi ruangah Amah cu zumtlak asiih, kan zum sual lo ding. Pathian zumtupawl cun Thlarau Thianghlim hminsinnak an nei timi (Eph. 1:13-14) ah kan hmu thei. Cun, Pathian Thlarau Thianghlim a neilotu cu Jesuh a nei lo timi khal (Rom. 8:9) ah kan hmu thei.
Leitlun ahhin harsat le thinbangnak a phunphun kan tuar ko ding asinan cupawl cu tuar suak theilomi harsatnak a silo ding; ziangahtile Jesuh in leitlun a neh zo ruangah leitlun nehzotu hnenah kan tel ve asi (John 16:33). Leitlun buainak pawl ahhin buai tuk lo dingah Jesuh cun in duh. Curuangah zianghman ah donhar in um hlah uh tiin (Matt. 6:25-34) sungah kan hmu. Amah cu in ngaihven ih in zohkhentu asi (John 14:1) ih, kan phurrit hmuahhmuah amah hnenah taan ding kan si (John 16:33).
________________________________________________________
YouTube:
C-Ministry Music- / cministrymusic
C-Ministry Sermon- / cministry
FB & IG
Facebook Page: / christcanchange
Instagram IG: / c.ministry19
Email:
[email protected]