Van Bawi Lian - Pathian Ih Fimnak
Pathian Ih Fimnak
I Korin 1,2 James 1:20, II Tim 1:9, Saam 34:8-10
++++++++++
Milai fimnak hmangin Pathian hi hawl hmuh a theihlo. Curuangah Pathian in Amah fapa Jesuh Khrih hmangin Amah thawn pehtlaihawk theinak lamzin in sialsak. Kan feltuknak ruangah le Amah Pathian hrangih kan tuahtheinak ruangah asilo. Amai’ zangfahnak le a duhdawtnak ruangah asi. Cucu Vanram ih kumkhaw nunnak kan neihsal theinak ding le nun famkim kan neih theinak dingah asi.
Pathian ih Fimnak cu Jesuh khrih ah a famkimter. Cule Thlarau Thianghlim hmangin kan hnenah in theihter ih Amah Thlarau Thianghlim khal kan hnenih cumcilhtu dingah in pe. Cuimi tello cun a duhzawng le a remruahnak kan theithei cuanglo. Cumi Fimnak cu Milai pawl ih an ruah dahlomi le an hmuh dahlomi, an theih dahlomi hmangin Pathian in kan ni Amah duhdawtu pawl hnenah a phuanglang. Jesuh Khrih ih milai RUNDAMNAK hrang a timtuah ciami a si.
Thlarau Thianghlim ih tongthamnak tello cun Amah Pathian thawn pehtliahnak hrimhrim hi a um theilo. Curuangah kan nunnak ah midang pawl ih thusimnak men siloin, Pathian Thlarau Thianghlim ih theihfiang ternak kan neih ding hi a thupituk. Pathian Thlarau Thianghlim in kannnunak ih thu a simngah ih, kan Thlarau Thawn an pehzom tikah Nunthlengawknak, Amai duhzawng ih um thiamnak tla in zirh.
Thlarau Thianghlim cun kan thinlung ah sangka a king ringring. Cumi aw kan theihtheinak dingah Pathian hnenah thlacamnak thawn le Amah thungaithlak ih hawlnak, dilnak thawn kan co theimi asi. Amah hawltu Pathian in zohman a hnong dahlo.
YouTube:
C-Ministry Music- / cministrymusic
C-Ministry Sermon- / cministry
FB & IG
Facebook Page: / christcanchange
Instagram IG: / c.ministry19
Email:
[email protected]