Шалқарда өткен аудандық отбасылар байқауының бас жүлдесін Үмбетовтер отбасы жеңіп алды
ҮМБЕТОВТЕР ОТБАСЫ ЖЕҢІМПАЗ АТАНДЫ
15 — мамыр Халықаралық отбасы күніне орай Шалқарда "Ұрпақ жақсысы - ұядан" аудандық отбасылар байқауының жеңімпаздары анықталды.
Аудан әкімі жанындағы әйелдер істері және отбасылық-демографиялық саясат жөніндегі комиссиясы және Сары Батақұлы атындағы Шалқар аудандық мәдениет үйі ұйымдастырған байқауға қатысқан отбасылар үш кезең бойынша өнер көрсетті.
Отбасылық құндылықтар насихатталған байқауды аудан әкімі Жанболат Жидеханов құттықтау сөзімен ашып, қатысушыларға сәттілік тіледі.
Байқау нәтижесі Үмбетовтер отбасы бас жүлдеге ие болды.
Жеңімпаздар мен қатысушыларға аудан әкімінің арнайы дипломы мен сый-сияпаты табысталды.