Қобдада 21мамыр Мәдениет және өнер қызметкерлерінің күніне арналған “Мәдениетім-мерейім” шарасы өтті
ҚОБДАДА МӘДЕНИЕТ ҚЫЗМЕТКЕРЛЕРІ МАРАПАТТАЛДЫ
Қобдада 21 мамыр – Қазақстан мәдениет және өнер
қызметкерлерінің күніне орай аудандық мәдениет және тілдерді дамыту бөлімінің ұйымдастыруымен “Мәдениетім - мерейім” атты мерекелік шарасы өтті.
Бұл күні сала ардагерлері, қызметкерлері, көркемөнерпаздар ұжымдарының жетекшілері, мүшелері, әншілер қызыл кілеммен жүріп, ал мерекелік шараға қатысушылар оларды қошеметпен қарсы алды.
…
Шарада аудан әкімі Болат Құлов құттықтау сөз сөйлеп, бір топ мәдениет қызметкерлерін марапаттады. Облыстық мәдениет, архивтер және құжаттама басқармасы мен халық шығармашылығы орталығы басшыларының алғыстары мен сыйлықтарын орталықтың директор орынбасары Гүлнар Сейталина тапсырды. Сонымен қатар аудандық ардагерлер кеңесі, мәслихат хатшысы, мемлекеттік органдар, мекемелер, «Аманат» партиясының өкілдері арнайы келіп, құттықтап, гүл шоқтары мен сыйлықтарын тарту етті.
Салтанатты шарада мәдениет саласының ардагерлеріне және ауданның брендіне айналған, белгілі «Қарлығаш» халықтық би ұжымы, «Айқаракөз» халықтық әжелер ансамблі, «Гүл-М-Жан» халықтық вокалдық тобы, «Сударушки» ансамблінің жетекшілері мен барлық мүшелері де марапатқа ие болды. Бірде-бір ұжым сыйлықсыз қайтқан жоқ.