الأفضل لن يبيع
زمان اول ما ابتديت ابيع منتجات اونلاين وكنت بعملها اعلانات.. كنت بعمل زى ما كل الناس بتعمل
أفضل منتج لحرق الدهون
أفضل كريم للتخلص من حب الشباب
المشروب الصحي لشباب دائم
الخ
مش دايما كانت الطريقة دى بتجيب معايا نتيجة.. بس مكنتش فاهم ليه
لحد ما اتكعبلت فى مفهوم معين غير قواعد اللعبة دى كلها بالنسبالى
دلوقتى انت لما بتقول للناس ان دى الحاجة الافضل او الاحسن او الاسرع الخ.. دايما دا هيقابل من جمهورك بالقبول او بالرفض
لان ممكن الافضل بالنسبالك مش هو الافضل بالنسبالى
لكن لو بدل ما تقول ان ده الافضل
غيرت الجملة وقلت: “ انا جربت حاجات كتير وافضل حاجات نفعت معايا كانت كذا”.. هنا الدنيا اختلفت تماما
لان محش هنا هيقدر يرفض قصتك او يعتراض عليها
لان دى قصتى
يا تصدقها يا متصدقهاش
وده السبب فى ان فاكتس تيم.. ستوري سيل
ولو خدت بالك.. هتلاقي ان ده اللى انا عملته فى الريل ده