البساطه هي اعظم تعقيد!
انهي اعلان ممول هو الافضل؟
شوف كده الاعلانين دول وقلى تفتكر انهى اللى كسب
الاول اللى انت بتشوفه ده دلوقتى اللى بتصوير احترافي وكاميرات
ولا التانى ده اللى مصوره من البيت بكاميرا الموبايل لابس قميص من فوق وبنطلون البيجامة من تحت؟
دول كانوا اعلانين عملتهم لاحد التحديات اللى عملتها من فترة
الاول الاحترافي ده خد منى 4 ساعاات تصوير غير ايجار المصور والمكان والكاميرات
التانى صورته فى 3 دقايق من بيتي
والحقيقة انا اتصدمت من النتيجة
لان مش بس التانى الكاجوال جدا ده اللى كسب.. ده اكتسح
بنتكلم 3 دولار قدام 20 دولار
وده وقتها علمنى درس قوى جدا
لانى كنت فاكر انى لازم اعقد الدنيا على نفسي عشان انجح
بعدين اكتشفت ان البساطة هي اعظم تعقيد
انك توصل رسالتك من الاعلان بشكل سريع وبسيط وموجز.. هو ده سر نجاح الاعلان
مش انه يكون احترافي.. متصور بكاميرا هوليود.. وتكون بتطلع نار من بؤك