أعظم سر بالتسويق.. موجود بالقرأن؟؟!!
اعظم سر فى التسويق.. موجود فى القران الكريم
مؤخرا بقت كل الناس بتعمل تسويق بشكل جاف جدا
وكله بيدعى انه عنده افضل منتج او خدمة بأعلى جودة وارخص سعر
بذمتك انت لما بتشوف اعلان زى كده بتعمل ايه.. سكرول على طول صح؟
الناس زهقت من النوع ده من التسويق اللى بيدخل على طول من غير ما يسخن ده
لو جيت تبص للتسويق الصح هتلاقيه بيعمل الاتى:
بيكلم الجمهور برسالة صح
بيتفاعل معاه
وبيفضل معلم فى الذاكرة
طب ازاى ده نعمله؟
لو بصيت للقران هتلاقي الطريقة فيه
الطريقة اللى تخليك تجذب المشاهد او القارئ
تخلى الرسالة تستقر فى الذاكرة
تلمس مشاعره.. وتستقر فى قلبه
وكل ده من خلال سر خطير جدا
السر ده هو السرد القصصي
انك بدل ما تبيع منتج زيك زي غيرك.. احكي قصة البراند بتاعك وليه قررت تعمله
ايه قصة المنهجية اللى انت بتعلمها للناس وازاى اكتشفتها
ده اللى هيعمل ترابط بينك وبين جمهورك وهيفجر مبيعاتك