أحدث التقنيات ل علاج ضعف الانتصاب.
علاجات متنوعه
العلاج بيعتمد علي السبب
اذا كان فيه نقص فى التوستوستيرون فالعلاج بيكون ان المريض ياخد الهرمون ده وان كان السبب الشائع هوه ان الدم مش بيتدفق كويس للعضو الذكري لجواه بسبب مرض معين او تحديدا مرض السكر .
اغلب العلاجات بتشتغل اساسن علي تطويل فترة الانتصاب ساعة المعاشره مش بتعالج المرض او السبب فى الضعف الجنسي نفسه . والعلاجات دي زي :
البورستاديل : Alprostadil وده بيتحقن بجهاز معين قبل المعاشره . متوافر ككريم فى بعض الدول باسم Befar والاختبارت التمهيديه بتقول ان كفاءته بتوصل ل 83 فى الميه . بيشتغل بعد 10 دقايق الي ربع ساعه ولحد 4 ساعات (محتاجه مصدر)
المنفاخ ابو حلقه : اسطوانه شبه المنفاخ لكن فيها حلقه ضاغطه بتساعد الدم انه يتدفق فى العضو قبل المعاشره بيسموه منفاخ الذكر .
الهرمونات : مش علطول بتستخدم بس احيانا الدكتور بيلجأ ليها لكن بالاعتماد علي سبب المرض نفسه وعوامل تانيه .
جراحه فى الذكر : لما بتفشل الطرق التانيه بيتعمل جراحه لتركيب دعامات صناعيه جوه الذكر . ومن عيوبها غير انها مكلفه انها مش عكسيه ( مش بترجع ) .
الاستشاره النفسيه : خصوصا لو السبب نفسي او ان العامل النفسي واحد من اسباب المرض .
الضعف الجنسي برضه بيتعالج بحبوب او حقن او (لبوس فى العضو الذكري) . بتشتغل علي زيادة اكسيد النيتروجين NO اللى لما بيزيد بيزود تدفق الدم فى العضو . لما بتفشل الحبوب بيستخدمو الحقن اللى بتتحقن فى العضو نفسه لكن من عيوبها انها بتعمل انتصاب مستمر Priapism ولو فشلت العلاجات الصيدليه دي ممكن يستخدم منفاخ من بره مع وجود حلقه منفصله علي الذكر ( لاحظ فيه فرق عن المنفاخ اللى الحلقة جواه واللي بيشتغل قبل المعاشره ) ووجود الحلقه دي علي الذكر بيتقال - احيانا - انها بتطول الذكر وفيه ناس بتستخدمها للاستمناء .
علاجات قطعيه
العلاجات دي مفيش عليها جدالات كتير
كابتات الانزيم PDE5 : نظرا انه فيه مجموعه من الانزيمات اسمها فوسفودايستريزس phosphodiesterases ودي موجوده فى مناطق مختلفه من الجسم لكن اهم واحد فيها بالنسبه لموضوعنا هوا رقم 5 عشان كده اسمه فوسفودايستريز 5 PDE5 .
الادويه اللى بتكبت الانزيم PDE5 Inhibitors فوسفودايستريز 5 زي سيلدنافيل sildenafil ( فياجرا Viagra ) و فاردينافيل vardenafil ( ليفترا Levitra ) و تادلافيل tadalafil ( سيالس Cialis ) وكلها حبوب بتتاخد بالبؤ واللي بعد ما تتاخد بتوقف الانزيم PDE5 اللى بيعمل تحلل ل cGMP. و CGMP ده بيخلي العضلات الناعمه smooth muscles بتاعه شرايين العضو الذكري ترتخي فتتملي corpus cavernosum بالدم . فابلتالي لما بنوقف PDE5 عن الشغل بنساعد CGMP انه يشتغل علي زيادة تدفق الدم فى الذكر .
علاجات خلافيه
العلاجات دي فيها شوية جدل
نالتركسون : Naltrexone من علاجات الادمان وممكن يعالج لو مفيش رغبه للجنس libido .
بريميلانوتايد: Bremelanotide بخاخ بالمناخير ودا مش بيشتغل علي الاوعيه الدموية لكن بيزود الرغبه الجنسيه عند الرجاله والستات , وهوا عموما بيشتغل علي مستقبلات الميلانوكورتين melanocortin receptors فى المخ ولسه تحت التجريب .
ميلانوتان2 : Melanotan II نفس الكلام علي اللى قبله.
الجنسنج : Ginseng عشب كوري مشهور من زمان بانه بيعطي طاقه . فيه دراسه سنه 2002 بتقول انهم لاحظوا تحسن فى علاج الضعف الجنسي عند الناس اللى بياخدوه بالمقارنه مع الناس اللى مبتاخدوش .الدراسه اتنشرت فى ((Journal of Urology 168 (5) .
ال ارجنين اسبارتيت : L-arginine aspartate بيتعمل منه مخلوط مع بيكنوجينول Pycnogenol اسمه بريلوكس Prelox . الدراسه اللى قام بيها دكتور ستيفن لام من كليه الطب جامعه نيو يورك بيقول فيها ان 81.1% من الرجاله اللى درسهم بقا عندهم تحسن اكتر فى قابليتهم للممارسه الجنسيه ,اما الشركه اللى مصنعه البريلوكس فبتقول انه لما بيتاخد يوميا بيرجع التلقائيه تاني لحياة الحب عكس المنتجات التانيه اللى مرتبطه اخداناها قبل الممارسه بوقت معين .
علاجات تانيه
الزنك : Zinc بيمنع تحول الهرمون الذكري توستوستيرون الي استراديول , وبالتالي فالزنك بيساعد فى زيادة التوستيستيرون وبالتالي زياده الحيوانات المنويه وكمان المعدن ده نقصه علامه من علامات الضعف الجنسي واللي العلما لاحظوا انه بينقص فى حالات التهاب البروستاتا البكيتري او الغير بكتيري عشان كده هوه مفضل لمرضي البروستاتا والضعف الجنسي .