Чўмилиш ҳавзаларида чўкиш ҳолатларини олдини олиш бўйича профилактик тадбирлар — Э. Аҳмадалиев
🖋 Республикада чўмилиш мумкин бўлган қўриқланадиган 196 та сув ҳавзаси, чўмилиш тақиқланган, қўриқланмайдиган, фуқароларнинг чўмилиш эҳтимоли бор 668 та жой рўйхатга олинган
АОКАда ўтказилган брифингда Фавқулодда вазиятлар профилактикаси бошқармаси бошлиғи, подполковник Элёр Аҳмадалиев чўмилиш ҳавзаларида чўкиш ҳолатларини олдини олиш бўйича амалга оширилган профилактик тадбирлар ҳақида маълумот берди:
Республика бўйлаб чўкиш билан боғлиқ бахтсиз ҳодисалар кўп кузатилаётган жойларда чўмилиш мавсумида Фавқулодда вазиятлар вазирлиги, Ички ишлар вазирлиги, Миллий гвардия ва жамоатчилик вакилларидан иборат 88 та кузатув ва назорат пости ташкил этилди.
Дарё, канал, ариқ, сой ва бошқалар устидан ўтган коммуникaция қувурлари устига икки тарафлама 1000 дан ортиқ тўсиқ ўрнатилди.
Таҳлиллар шуни кўрсатмоқдаки, чўкиш билан боғлиқ бахтсиз ҳодисалар асосан инсонларнинг чўмилиш қоидаларига риоя этмаслиги, фуқароларнинг спиртли ичимликлар истеъмол қилган ҳолда сувда чўмилиши, ота-оналарнинг фарзандларига бўлган эътиборсизлиги сабабли содир бўлмоқда.
Энг, ачинарлиси, жабрланганлар ва чўкиб кетганларнинг асосий қисмини вояга етмаганлар ташкил этмоқда.
Официальный сайт: https://aoka.uz/uzb/
@ Telegram: https://t.me/aoka_uz/
@ Facebook: /
@ Instagram: / aoka.uz