Albatroz - Glas im Meer (Official Video)
Lyrics:
Lang hemmer nahdänkt
und am Schluss glich nüm überleit
Hunderti Täsche Chischte mit Fläsche
rüehrsch i Kofferruum ab und verreis‘
Mier hei üs gschwore
mier si nid vorhär zrügg
bis das mer nöii Planete entdeckt hei
Touche Safari Nächt under de Brügg
Es isch glich woäne
es isch glich wodüre
es isch glich biswo
es isch glich wi wiit dasmer chöme
mier ischs glich eifach irgendwo
Bis det wo d‘Ziit ändlich stöu steit
bis det wo niemer meh wohnt
bis zum Ändi vom Horizont und wiiter
bis det wos nur no Stärne git de Mond
bis das ke Liechter meh brönne
bis das ke Wasser meh i de Steine verrünnt
und immer wiiter solang
bis das üs niemer meh könnt
Mer seit wär einisch undertoucht isch
toucht nie wider uf
bis jedi Erinnerig sich leit
bis eim Jahrzähnte beschütze vor de Vergangeheit
Chasch di fräge was bliibt denn wennmer gange si
Üsi Näme i Schtei wi Schau und Rouch für dich
Über d’Nacht simmer riich mer gseht scho Glitzer und Glänze
wi Glas im Meer
Nie rächt gwüsst was mer söuge
uf eisch das gha womer nie hei wöue
es Läbe wo's di verrisst zwüsche däm Guete und Böse
wi zwüsche Himmu und Höu
Uf de Flucht vorem Gsetz oder uf steinige Wäge
s‘isch e schmale Grat
und wär weiss woäne das' eim zieht
zum Vercherte oder Rächte
Gang ewäg bahn der e Wäg im Fiischtre
verbii a Gschpane Gschpaischter und Biischter
Gschpürsch wi de Bode hinder dier abrütscht is ewige Nüüt
wi schnöu hindernah
e letschte Blick über d’Schoutere
ganzi Dörfer wo brönne
Stimme und Grüsch vo de Lüüt wiit ewäg i däm Dunkle
Uniforme Helikopter
Cops mit Glocks Schäfer und Funkgrät
Lampe wo is i Grind iezünde
s‘Bewusstsii wo langsam verschwindet
Du elei bisch no am Läbe
und kämpfsch der e Bahn i de Wüeschti
ou wenn d'Ziit gägen üs geit
simmer stercher wi s’Verlüüre und d’Vergässeheit
Wennd lachsch wennd luegsch
wennd dänksch wennd fluechsch
wennd merksch dass d'Sirene nöcher
chöme und d'Entscheidig chunnt
De gits nur Chopf abe Ouge zue
d'Musig lut über d'Hügle i d'Bärge
pumpe Biggie und Pac
Du weisches iz oder nie
besser iz as nie im Radio
Life goes on aber nid mit mier
Mir näme nume mit was üs ghört
Mir ruume nume wäg was üs stört
Mier bliibe niene lang si verwöhnt
Immer on the road wie sichs ghört
Im Chopf die Biuder vo dene Stedt
wo so mängisch scho tröimt hesch
das eines Tages det wirsch si
ohni z'fräge wiso
Iz säg nur tschüss und bis baud
mer ghört sich de scho
nur zum verschwinde für immer
und sicher nie wider z'cho
Krach und Lärme für üs mues säge s'stimmt für mich
Einisch meh bliibe mier ou über Jahre und Ziite
Simmer wäg de fäut aus und isch nüt meh im Gliche
Wär z’letgscht obenuf schwümmt
Chasch di fräge was bliibt denn wennmer gange si
Üsi Näme i Schtei wi Schau und Rouch für dich
Über d’Nacht simmer riich mer gseht scho Glitzer und Glänze
wi Glas im Meer