ОҚУ БАСЫЛЫМДАРЫН САРАПТАУ КЕЗЕҢДЕРІ
BMSO білім беру деңгейлері бойынша оқулықтарды, оқу-әдістемелік кешендерді сараптау қызметін атқарады. Бұл функцияны Орталық 2005 жылдан бастап тұрақты жүзеге асырып келеді.
Орталық сараптамаға ұсынылған оқу әдебиеттерінің мемлекеттік жалпыға міндетті стандартына, үлгілік оқу жоспарлары мен бағдарламаларына сәйкестігін тексереді. BMSO жұмылдыратын сарапшылар, атап айтқанда ғалымдар мен практик-мұғалімдерден құралған топ оқу басылымдарының мазмұны мен құрылымына қойылатын талаптардың сақталуын жіті тексереді. Балалардың жас ерекшелігі ескерілуін, қазақстандық мазмұнның кең берілуін, ұлттық және жалпыадамзаттық құндылықтары мен жетістіктерін қамтылуын, жаңа заман сын-қатерлеріне ерекше мән берілуін қадағалайды. Сондай-ақ, бірқатар нормативтік құжаттар талаптарына сәйкестігіне мемлекеттік бақылауды қамтамасыз етеді.
Қолданыстағы заңнамаға сәйкес, оқулықтар бірнеше кезеңді сараптамадан өтеді. Осы постқа тіркелген бейнероликте сараптама кезеңдеріне қысқаша тоқталуға тырыстық.