ЖЕЛІДЕГІ ҚЫЗЫҚТАР
BMSO-ның бұл айдары тағы бір ерекше оқиғамен толықты. 2019 жылы Бразилияда түсірілген, желіде кең тараған бейнеролик назарымызды қаратты.
12,5 млн қаралым жинап, көптеген көрерменнің ықыласына бөленген бұл бейнероликтің бас кейіпкері – Гильермо Сантьяго есімді 10 жасар бала. Ол Бразилия мемлекеттік мектебінің 5-сыныбында оқиды. Баланың әлеуметтік желіде танымал болуының себебі – білімге ерекше құлшынысы мен тапқырлығы.
Гильермо қарапайым отбасынан шыққан, Бразилияда интернет желісі мен компьютер құрылғыларының қымбаттығынан, тапсырма орындауда қосымша ресурсты пайдалана аламаған. Бұл мәселе мектеп қабырғасында да шешілмеген. Өйткені мектепте интернет шектеулі, ал планшет 12-ақ дана болғандықтан, оны пайдалану мүмкіндігі 278 оқушының барлығына бұйыра бермеген.
Десе де, бала тығырықтан шығудың жолын тапқан, оқуға деген ынтасы мен табандылығының арқасында Гильермо үй жұмысын ұдайы қарап, қажетті онлайн ресурстарға жүгіне алған. Қалай дейсіз ғой? Оқушы сабақтан кейін сауда орталығына барып, техника дүкені сөрелеріндегі смартфонды орнатылған интернетімен қоса пайдаланған. Керек ақпаратын жылдам іздеп, өз дәптеріне түртіп отырған. Баланың осы ынта-жігері дүкен қызметкерлерін тәнті еткен, олар бұл әрекетке тосқауыл қоймай, керісінше, сабақ оқуына ыңғайлы болуына жәрдемдескен. Оқиғаның мән-жайы осы постқа тіркелген, қазақша субтитрі қойылған видеода егжей-тегжей баяндалды.
©️ Бейнеролик дереккөзі – • Viral video: Employee allows boy to use ta... .