【飲品生產線產能升9倍】《香港有工業》見證香港新型工業最新發展
生產力局聯同無綫電視(TVB)推出特備節目《香港有工業》，帶大家睇吓生產力局點樣運用科技解決行業痛點，以貼地方案同行動加快形成新質生產力，推進新型工業化，見證香港真係有工業。
一連五集嘅《香港有工業》，每一集都會搵嚟札根香港市場、同我哋生產力局緊密合作嘅工業家接受訪問：
怡加新(香港)實業有限公司喺2010年成立，一直致力喺香港生產天然、健康、唔加防腐劑同化學添加劑嘅果蔬飲品。創辦人係哈尼族嘅少數民族，年紀輕嗰陣靠種地維生，主要以粟米為食糧。之後從外婆手中學習咗製作粟米汁嘅傳統手法。
由於傳統生產線嘅產量唔多，而新鮮果蔬飲品嘅保質期又短，生意發展受到限制。所以生產力局為怡加新設計咗五大智能模組，以精益生產為目標，同時引入先進嘅殺菌技術，解決產品保質期短嘅問題。估計新生產線全面運作後，只需要維持6名工人，預期產能最多可以比舊生產線高9倍。
了解更多：https://bit.ly/3RPdEXX