【自動化生產線提升產量近一倍 《香港有工業》見證香港新型工業最新發展】
生產力局聯同無綫電視(TVB)推出特備節目《香港有工業》，帶大家睇吓生產力局點樣運用科技解決行業痛點，以貼地方案同行動加快形成新質生產力，推進新型工業化，見證香港真係有工業。
一連五集嘅《香港有工業》，每一集都會搵嚟札根香港市場、同我哋生產力局緊密合作嘅工業家接受訪問：
合興食油係香港領導食油製造商之一，喺1991年決定喺元朗興建煉油廠。佢哋會由海外直接入口原油，然後喺香港提煉加工後入樽以確保食油新鮮。不過，合興現時正面對人員適齡退休同招聘新人困難等問題，而隨住合興食油業務嘅發展，產品嘅種類同規格會越來越多樣化，對產能同效率嘅需求亦越來越大。為咗迎合顧客嘅需求同市場趨勢，合興同生產力局合作，建立自動化生產線，希望減少人手勞動，現時喺維持同樣人手嘅情況下，新嘅生產線預計可以提升產量接近一倍，大大應付市場需求。
了解更多：https://bit.ly/3RPdEXX