【智能機械臂傳承焊接手藝】《香港有工業》見證香港新型工業最新發展】
生產力局聯同無綫電視(TVB)推出特備節目《香港有工業》，帶大家睇吓生產力局點樣運用科技解決行業痛點，以貼地方案同行動加快形成新質生產力，推進新型工業化，見證香港真係有工業。
一連五集嘅《香港有工業》，每一集都會搵嚟札根香港市場、同我哋生產力局緊密合作嘅工業家接受訪問：
和利集團自1954年成立以來，累積咗超過六十年嘅鋼材供應經驗，而家係香港唯一擁有大型鋼鐵儲存倉，並提供一站式優質鋼鐵服務嘅企業。
不過，中高強度鋼材焊接主要依賴人手進行，工作量繁多，而且地盤嘅工作環境惡劣，導致焊接從業人員長期處於短缺狀態。
另一方面，焊接過程中產生嘅有毒氣體、強光同熱輻射，長年累月非常影響焊接工人嘅健康。所以生產力局就用數碼化技術，將專業焊工嘅焊接經驗轉化為圖像化程序，方便焊接工人透過平板電腦同時控制多個機械臂，並採用最佳工藝參數焊接工件，以確保工人喺安全環境中工作。長遠嚟講，呢個方法亦有助於工業經驗嘅傳承。
了解更多：https://bit.ly/3RPdEXX