【智能化生產減少產品不良率40%】《香港有工業》見證香港新型工業最新發展
生產力局聯同無綫電視(TVB)推出特備節目《香港有工業》，帶大家睇吓生產力局點樣運用科技解決行業痛點，以貼地方案同行動加快形成新質生產力，推進新型工業化，見證香港真係有工業。
一連五集嘅《香港有工業》，每一集都會搵嚟札根香港市場、同我哋生產力局緊密合作嘅工業家接受訪問：
第一集我哋就同大家介紹下新勵膠管有限公司。佢哋係1978年喺香港成立，而家負責管理香港嘅國內銷售同埋出口銷售活動，海外銷售市場多達全球80個國家。生產力局就協助新勵膠管將公司機器嘅數據從模擬制式變成數碼化制式，唔再依靠人手記錄同埋監控生產過程，減低校對時間同時令產品不良率減少40%。未來，新勵膠管希望同埋生產力局繼續合作，升級原材料生產系統。
了解更多：https://bit.ly/3RPdEXX