Canistel Curry - Perfect Substitute for Dhal ලාවුළු පරිප්පු
ලාවුළු පරිප්පු.
බඩඉරිඟු ද පරිප්පුද? 🤔 ඇඳිරිනීතිය දැම්මොත් ඔය කොයි දේත් සීමිතයි.ඒත් පරිප්පු නැතුව කන්න පුළුවන් ද? 😒 පරිප්පු නැති හෝටලේ වගේ.
ගෙදර එක විජ්ජුම්බරයයි. "ඒ කාලේ අපි කෑවෙත් පරිප්පු නැතුව තමයි. ඒත් අපි පරිප්පු කෑවා. ඒවා හැදුවේ ගහෙන් කඩල" මොකක් ගහෙන් කඩල? අම්මම්මාගේ හඬින් කුතුහලයෙනුත් විස්මයෙනුත් පිරීගිය මම ඊළඟට බැලුවෙ අම්මාගෙ මූණ. "ඔව් අද වගෙ ඉස්සර 70 දශකයේ දිත් දේශිය නිෂ්පාදන දිරි ගන්වන්න අපේ රටේ ආනයන සීමාකරපු කාලෙ පරිප්පු හිඟයක් ඇති වුණා. ඒ කාලෙ අපි පරිප්පු හැදුවේ ලාවුළු වලින්" අම්මා කීවට හදල කනකම් ලාළුලු වලට ගහන්න පරිප්පු වක් නැති වග තේරුම් ගත්තෙ නෑ. ඒත් මේ කාලෙ ලාවුළු ගෙඩියක් හොයන එක කළුනික හොයනව වගේ වැඩක්. ඉස්සර නම් ගොඩාක් තිබ්බලු.
තාත්තා එක්ක රිංගුවා කැලේ. හම්බුණා අවුරුදු 25 ක් විතර පරණ ගහක්. කෙක්කෙන් කැඩුව ඉදිච්චා නෙවේ පැහිච්චා. කොහොමද පැහිච්ච හොයන්නෙ? ලෙල්ල කොල පාට උනත් කහපාට උනත් ඇතුලෙ කහම කහ පාටයි. කහ මාම ගෙ ඇටෙ පොලිෂ් කියන්නෙ ඒකනෙ? 🍋
සෑහෙන්න ගුණ පලතුරක් වුණාට ගොඩ දෙනෙක් ලාවුලු කන්න කැමති නෑන? ඒකෙ තියෙන පිටි ගතියයි, කිරි ගතියයි නිසා. ඒ වුනාට ලාවුළු විටමින් A සහ B බහුල ලෙස අඩංගු ලාවුළු පලතුරෙහි කාබෝහයිඩ්රේට්, යකඩ, කැල්සියම් ආදිය ද වැඩිපුර දක්නට ලැබේ. අනෙකුත් තැඹිලි පාට පළතුරු වල මෙන්ම ලාවලු වල ද බීටා කැරොටින් තියෙනවා..
ලාවුළු වල ඇති යකඩ ප්රමාණය අධික නිසා එය සමස්ත සෞඛ්යය වර්ධනය සඳහා ඉතාමත් ප්රයෝජනවත් වන අතර එය රක්තහීනතාව ඇති වීමේ අවදානම වළක්වා ගැනීමට උපකාරී වනවා. එසේම මොළයේ සෞඛ්යය තත්වය වැඩි දියුණු කිරීම හා ඇල්සයිමර් රෝගය හා ඩිමෙන්ශියාව වැනි ස්නායු පද්ධතියේ ආබාධ අවදානම වළක්වා ගැනීමට උපකාර වනවා.. කොලෙස්ටරෝල් මට්ටම පහත දමන අතර ශරීර ශක්තිය වර්ධනයට ගුණදායක ලාවුලු වල විටමින් සී අධික ප්රමාණයක් ඇති නිසා එය ප්රතිශක්තිකරණ පද්ධතිය රැක ගැනීමට ද ප්රයෝජනවත් වෙනව කියල තමයි අන්තර්ජාලෙ තිබුනේ. තන්තු වලිම් බෙහෙවින් පොහොසත් වන අතර ආහාර ජීර්ණ පද්ධතිය ආශ්රත ගැටලු වළක්වන ලාවුළු දියවැඩියාව වළක්වා ගැනීමට ද ඉතා ප්රයෝජනවත් වනවා.
මෙන්න මේ නිසා තමා අනික් රට වල මිනිස්සු මේ ලාවුළු වලට Egg Fruit / Eggyolk fruit නැතිනම් බිත්තර පලතුර කියල හඳුන්වන්නෙ. ඇත්තටම ලාවුළු වල නිජබිම මධ්යම ඇමෙරිකාවේ. උනත් ලංකාවේ වන පලතුරු අතරට ලාවුළු වැටිල ඉවරයි. ඉතින් නිකම් ගස්වල ඔහේ හැදිල වැටිල කුණුවෙලා යන ලාවුළු කියන පෝෂණීය පලතුර තවදුරටත් අපි එහෙම නොසලකා හරිනවද?
පලතුරක් විදිහට කන්න අකමැති නම් ගන්න හොඳට පැහුණු ලාවුලු ගෙඩි ටිකක්. අරගෙන. හෝදල, පොඩි කෑලි වලට කපාගන්න නැතිනම් සිහින්ව ග්රේට් කරගන්න. පස්සෙ ඒ ලාවුළු කෑලි වතුරට දාල කිරි ගතිය යන්න හෝදල ඉවර වෙලා මිරිස් කුඩු, ලුණු, රම්පෙ කරපිංච, අමු මිරිස්, එක්ක රස වැඩි කරගන්න තුනපහ ටිකකුත් දාලා මැටි ඇතිළියක.. දියකිරෙන්, ලාවට හොද්ද තියෙන්න හින්දල ගත්ත නම් පරිප්පු කැලේ. කැමති නම් තෙම්පරාදු කරගන්න.
අම්මායි අම්මම්මායි හැදුව හැටි පල්ලෙහා වීඩියෝ එකේ තියේ බලන්න. 👇👇👇
• Canistel Curry - Perfect Substitute for Dh...
මගේ වීඩීයෝ එකට කැමති නම් යාළුවෝ අතර මගේ චැනල් එක Share කරල Like කරල Subscribe කරන්න. 👇👇👇
/ @heartfeltfood2875
මගේ @Facebook Page එක පැත්තට එන්න මෙතැනින් 👇👇👇
/ heartfelt-food-104016701256470
@Heartfelt Food
#Canistel #ලාවුළු #HeartfeltFood #Dhal #EggFruit