Kahipittan - Natural Jelly vines කැහිපිත්තන් ජෙලි

Опубликовано: 15 Май 2026
на канале: Heartfelt Food

9,297

132

"Kahipittan" or Indian moon seed (Cyclea peltata) is famous medicinal plant / vine for making Natural Jelly. This plant is well known in Ayurwedic & Local medicine as the best treatment for Gastritis,Urine infections,wounds,hemorrhoids & etc."Kahipittan" leaves can be blended with water & kept aside in the room temperature for making jelly out it. I have used bee's honey,basil seeds & raisins for better taste.
You can use sugar if you like.Within 1 or 1 1/2 hours you'll see the jelly is all set & ready to serve. Just eat a cup of this jelly in the morning with an empty stomach & your gastritis would get disappeared by couple of days.

©️Deemanka Jayakodi.
‪@heartfeltfood2875‬
2021.10.24

#කඩේ ජෙලි_වගේද_කැලේ_ජෙලි?
#කඩේ_ජෙලි_කැලේ.

කැහිපිත්තන් / කැහිබිත්තන් නැතිනම් කැසිපිස්සන් වගේ ප්‍රාදේශීය නම් වලින් හඳුන්වන Menispermaceae
කුලයට අයත් Cyclea peltata යන විද්‍යාත්මක නමින් හඳුන්වන මේ ඖෂධීය ශාකය මම ඉස්සෙස්ලාම බුකියෙන් දැන හඳුනාගත්තත් කවදාවත් මහගෙදර පිටිපස්සෙන් හම්බෙයි කියල කීයටවත් හිතුවෙ නෑ.
ආච්චම්මලා නම් පොඩිකාලේ කැහිපිත්තන් කොල වතුර එක්ක කොටල කොටල පොල් කටුවල දාල පැත්තකින් තිබ්බම ඉක්මනින් හයිවෙන නිසා දොදොල් හැදුවලු. සෙල්ලම් ගෙවල් වල දොදොල් හදපු කැහිපිත්තන් කොල කියන්නේ ලොකු ඖෂධීය වටිනාකමක් තියෙන ශාකයක් වගත් මම කියල දෙනකම් ආච්චම්මල දැනන් ඉඳල නෑ. මේක කියවන ගොඩදෙනෙක් සමහරවිට මීට කලින් අහල දැකලත් නැතුව ඇති.

කැහිපිත්තන් ශාකය සාමාන්‍යයෙන් තෙත් සෙවණ සහිත ස්ථාන වල පොළොවට සමාන්තරව පොළව බදාගෙන වැඩෙන ශාකයක්.සාමාන්‍යයෙන් කැහිපිත්තන් ගහක මුල් ගොඩක් ගැඹුරට විහිදෙනවා.මාංශල පත්‍ර ත්‍රිකෝණාකාර වන අතර බූවකින් යුක්තවෙනවා.මේවා කැලේ හැදෙනව කිව්වට මම නම් කොළඹ ත් දැකල තියේ හයිලෙවල් පාරේ බස් එකේ යද්දි තිඹිරිගස්යාය කොට්ටාව පාර අයින් වල වැල් ගාල් විදිහට. කැහිපිත්තන් කොල මිටක් කඩාගෙන හොඳින් පිරිසිදු කරල වතුර කෝප්ප 3/4 වගේ දාල කැමති කෙනෙක් ට රස අනුව සීනී හෝ මී පැණි ස්වල්පයක් එකතු කරල හොඳට කොටල පෙරල භාජනයකට දාල කාමර උෂ්ණත්වයේ පියනකින් වහල හෙලවෙන්නැතුව තිබ්බම පැයක් හමාරක් යනකොට මෙන්න ජෙලි වගේ සෙට් වෙනවා. ඇත්තටම අර කඩේ ගන්න තියෙන ෆ්‍රිජ් ඕනි නැති ක්ෂණික ව සෙට් වෙන ජෙලි වගේ. හැබැයි ඒ ජෙලි කැහිපිත්තන් ජෙලි යි කියන්නේ අහසයි පොළොවයි වගේ. කැහිපිත්තන් වල ගුණ මොනවද කියල අපි හොයල බලමු.

සාමාන්‍යයෙන් විෂනාශක හැකියාවක් තියෙන කැහිපිත්තන් කොල සර්ප විෂට,ශරීරයේ මතුපිට සුවනොවන තුවාල සුව කිරීමට,තුවාල නිසා හටගන්නා අධික දැවිල්ල,සමේ රෝග,ආහාර අරුචිය,මුත්‍රා ආසාදන මුත්‍රා දැවිල්ල එතකොට අම්ල පිත්ත නැතිනම් ගැස්ට්‍රයිටිස් වලට ප්‍රතිකාර කරන්න. හිසරදය, පීනස සහ ශරීරයේ අධික උෂ්ණත්වය සෙම අවුස්සන්නෙ නැතුව සිසිල් කරල සමනය කරන්න වගේ එකී මෙකී නොකී 100 ක් රෝග සමනයට ආයූර්වේදයේ යොදාගන්නවා.

විශේෂයෙන් මේ කැහිපිත්තන් ජෙලි ගත්තොත් ගැස්ට්‍රයිටිස්, අර්ෂස් සමනයට වගේම කිරිදෙන මව්වරුන්ගේ කිරි නිපදවීම උත්තේජනය කරන්න වගේම කුඩා දරුවන් ගේ පෝෂණය ටද ගොඩාක් වැදගත්. ගැස්ට්‍රයිටිස් දැවිල්ල,මුත්‍රා දැවිල්ල තියෙන අය සාමාන්‍යයෙන් මෙහෙම හදාගන්න කැහිපිත්තන් ජෙලි උදෑසනම හිස්බඩ ආහාරයට ගැනීමෙන් සුවදායක බවක් ලබාගන්න පුළුවන්.

නිවාඩුවට පොඩ්ඩක් එලිපහලියට බැහැල දරුවො එක්ක අවට පරිසරය නිරීක්ෂණය කරල බලන්න.Suprise වෙන්න දේවල් ඉගෙනගන්න ඕනි තරම් අපි අවටම තියෙන්න පුළුවන්. ඔයාලත්

ඉතින් කැහිපිත්තන් ජෙලි හදන හැටි ගැන මම වීඩියෝ එකක් කරා කැමති කෙනෙක්ට කැහිපිත්තන් කොල හොයාගන්න පුළුවන් නම් හදල බලන්න වටිනවා.

©️දීමංක ජයකොඩි.
Heartfelt Food
2021.10.24

💜️Special thanks to @Mayantha Nandapala for making me the background music for this video. / dulipmirando

➡️ Follow me on Facebook / heartfelt-food-104016701256470
➡️ Follow me on Instagram I'm on Instagram as @heartfelt_food_official_.
Install the app to follow my photos and videos.https://www.instagram.com/invites/con...
➡️ Follow me on TikTok https://vm.tiktok.com/ZSeYffNq9/
➡️ Follow me on Twitter https://twitter.com/HeartfeltFood20?t...
➡️Follow me on Reddit https://www.reddit.com/u/HeartfeltFoo...