Баланы қалай қолдаймыз?
Ата-ана ажырасуы балаға психологиялық тұрғыдан әсер етпеуі мүмкін емес. Дегенмен, балаға бұл кезеңді біршама жеңілдеу өткеруіне берілетін кеңестерге тоқталамын.
✅ Бірінші кезекте баланы өзін кінәлау сезімінен арылтуға көмектесуіміз керек. Әке баламен емес, анасымен ажырасқанын түсіндіру абзал. Әкесі бұрынғыша оны жақсы көретінін, кездесіп тұратындарын, бұл ересектер арасындағы қатынастағы өзгерістің оған қатысы жоқ екенін түсіндіру қажет.
✅ Балаға барлық сезім, эмоцияларын шығара алуына мүмкіндік берген жөн. Оны тыңдай алатыныңызды, көмектескіңіз келетінін білдіріңіз.
✅Егер баланы қолдамаса, оған қажет көмекті бермесе, өз сезімдерінің тұңғиығына енеді. Сырттан балада бәрі жақсы сияқты көрінгенмен, бала ішінде қатты уайым, қорқыныш, фобия, негативті эмоциялар арпалысып жатуы мүмкін.
✅ Осындай кезде барлық туысқандардың қарым-қатынаста нейтралды ұстанымда болғаны жөн. Балаға ажырасқан ата-ананың біреуін жақтап, екіншісін даттау орынсыз.
✅ Қиын болса да (әсіресе бастапқы кезеңде) бұрынғы жұбайыңызбен достық қарым-қатынасты сақтап қалу - бала үшін отбасындағы бұл өзгеріс кезеңін жеңілірек өткізуіне көмекші болады.
✅ Бұрыңғы жұбайыңызды баламен бопсалап қорқытпаңыз. Бұл жолмен тапқан өзіңіздің мақсатыңыз қысқа мерзімді болады. Ал бұл кезеңдегі баланың ішкі жарасы ұзаққа сақталады, тіпті өмір бойы қалуы мүмкін.
⏺ Сіздер не қосар едіңіздер? Ажырасқан отбасының балаға тиген әсеріне куә болдыңыздар ма?
#ажырасу #психология #қазақшапсихология #балатәрбиесі #балапсихологиясы #атаана