Тренинглар ҳақида

Опубликовано: 16 Март 2026
на канале: Комилжон Abdulloh

1,278

Бизнес тренинглар ҳақида...

Инсон табиатининг йўналишини турли томонларга ажратишлик мумкин. Мисол учун ўйинларни кўрайлик. Масалан шахмат фақат ақлга, идрокга қаратилган. Покер бўлса психология, ҳиссиётларга қаратилган. Лекин улардан бирига таянишлик барибир эртами-кечми мағлубиятга олиб келади. Чунки инсон мураккаб мавжудот. Шу сабабли бир вақтнинг ўзида ҳам идрокка, ҳам ҳиссиётларга таянишга мажбур.

Афсуски ҳозирги кундаги бизнес тренинглар асосан ҳиссиётларга қаратилган. Одам бу тренингларда қатнашади ва уда қизғин иштиёқ пайдо бўлади. Лекин бир ҳафта ўтиб яна бу иштиёқ кетиб қолади. Кейин яна тренинга келиши керак бўлиб қолади. Бу худди наркоманликка ўхшайди. Яъни телфоннинг қуввати тугадими, демак қайта қувватлантиришга улаш керак.

Тўғри бизнес қилишни ўрганиш керак. Тренингларга қатнашиш керак. Аммо тренингда рационал компонент албатта бўлиш керак. Ва ҳатто керак бўлса бу рационал компонент ҳиссий компонентлардан кўпроқ бўлиши керак. Афсуски жуда кўп бизнес тренинглар фақат ҳиссиётга қаратилган бўлади. Бу бир томондан атайлаб қилинадиган иш. Албатта бундай тренинларнинг фойдаси деярлик йўқ. Фақат вақтнинг ва пулнинг заволидир...