英國定居生涯Vlog Ep.18 之大花筒一個月駛多過份糧？一個月駛£2000 大作戰！
話說有篇報道話有家人賣左層三百萬嘅樓過黎，結果兩年駛淨幾十萬敗走，咁即係成家人一年駛一百萬，咪即係駛成十萬港紙一個月，咁以我呢個咁大花筒唔肯煮飯又成日買嘢躝街嘅人，既然又咁啱終於申請到信用卡 於是就試下一個月大花筒大作戰，又請人食大餐自己又狂食大餐，仲要專食貴到唔恨嘅中餐喎，仲有見衫就買見玩具車就掃，等我示範一吓到底喺倫敦呢個出晒名全英國最貴嘅城市，有無可能一個人駛到兩千鎊一個月（當你一家五口一萬鎊啦），結論係。。。
駛大左囉！
講得衰啲，如果三百萬係你成副身家，你一定唔會搞到得番幾十萬先回流，否則你番去都無用，因為你都係瞓街；咁即係話，你一心諗住成家人五年三百萬夠用，咁我都唔夠膽咁拍心口話得喎尤其如果你計埋租/買樓；咁呢樣就顯示左是旦一樣（1）你低估左你自己嘅生活要求；（2）你根本諗住試下先，唔得就鬆人。
（1）太理想主義又唔知自己情形，問心你喺香港一年駛幾多，黎到一定唔會駛少咗；（2）我希望你無細路，細路哥有你呢種父母好慘，剛適應左生活，又比你再連根拔起。
所以有時都唔怪得啲留港睇人pk派咁樣笑呢啲人，因為呢啲都係你自己造成嘅。