不是回流之快閃香港Vlog 3 終極篇：南區懷緬自己當年去左當旅行嘅慳家歲月；臨別對香港嘅感想。
去到我最後一集嘅快閃系列，會去晒我最懷念嘅地方，淺水灣同Fullerton海咩公園酒店，睇下香港最風光明媚嘅地方，仲會講下我呢次番黎對香港嘅感受，簡單講，香港在轉型中，重新尋找自己嘅定位，呢樣嘢我同好多移英港人不同嘅係，我覺得本質上無話好定壞，但我Focus嘅係質素方面係咪可以保住最好再變得更好，呢樣正正係我覺得更加唏噓嘅地方，因為我睇到香港人喺重新尋找自己定位嘅過程中，好似覺得自己已經懂得好多，但喺創新嘅過程中就有啲阿茂整餅，未學行先學走，就好似我喺飛機睇《飯氣攻心》一樣，香港人讚到天上有地下無，但我睇到好尷尬。
香港人，如果想保持自己競爭力，請先還原基本步，打好個底先，再虛心去睇下其他人有咩成功嘅元素，然後先好好去探索自己可以點樣發揮自己嘅優勢。呢個就係我今次番黎嘅觀察所得。