Жаратылыстану сауаттылығы
Жаратылыстану сауаттылығы – функционалдық сауаттылықтың маңызды құрамдас бөлігі. Бастауыш сынып оқушысының жаратылыстану сауаттылығы неден көрінеді? Бұл – оқушының жаңа білімді игеруде, зерттеу сұрақтарын құрастыруда, түрлі құбылыстарды түсіндіруде және жас ерекшеліктеріне сәйкес ғылыми дәлелдерді тұжырымдау үшін өз білімін қолдана алу қабілеті. Жаратылыстану сауаттылығы ғылыммен байланысты түрлі мәселелерді шешуде белсенді азаматтық ұстанымға ие болу арқылы да көрінеді.
«Жаратылыстану» пәнінің оқу бағдарламасын жүзеге асыру барысында зерттеу сипатындағы оқу тапсырмасын және нақты практикалық жағдайды модельдейтін міндеттерді пайдалану бастауыш сынып оқушыларының жаратылыстану-ғылыми сауаттылық деңгейін арттыруға зор мүмкіндік береді.