Музыкалық сауаттылық - функционалдық сауаттылықты дамыту бағыттарының бірі
Музыкалық сауаттылық функционалдық сауаттылықты дамыту бағыттарының бірі ретінде жалпы сауаттылық бағытына кіреді. Сонымен қатар, қазіргі музыка сабағында музыкалық сауаттылықты дамытудың құралы болып табылатын математикалық, коммуникативтік, ақпараттық, құқықтық сауаттылық түрлері де дамып келеді.
Музыка сабағында оқушылар Audacity, Soundation, Movie Maker Windows, Киностудия және т.б. цифрлық музыкалық бағдарламалар мен қосымшаларды пайдалану арқылы цифрлық сауаттылықты дамытады. Цифрлық сауаттылық – адамның цифрлық технологияларды күнделікті өмірде және жұмыста білу және пайдалану. Сабақ барысында оқушылар осы мүмкіндіктерді пайдаланып түрлі тақырыптардағы (мектеп туралы, әлеуметтік, экологиялық, патриоттық және басқа да тақырыптар) музыкалық жұмыстарды, шығармашылық жобаларды жасайды. Цифрлық технологиялардың көмегімен оқушылар дыбыспен, дауыспен, музыкамен (жазу, өңдеу, музыкалық шығарма жанрын өзгерту, екпін, тоналдылық, дыбыс күші, регистр және т.б.) түрлі жұмыс істейді, кейіпкерлердің дауысын дыбыстауға, анимациялық роликтер жасауға үйренеді.
Оқушылар меңгерген дағдыларын адам қызметінің түрлі салаларында пайдалана алады. Мысалы, музыкалық өнер – музыкант, диджей, музыкалық продюсер, театр және кино өнері – дыбыс режиссері, оператор, медиа саласы – телекомпания және радиостудия мамандары, қызмет көрсету саласы – жарнамалық роликтер жасау, түрлі салалардағы іс-шараларды безендіру, Vk Music, iTunes, Яндекс.Музыка және басқа стриминг қызметтерде жұмыс істей алады.