Талдықорғандағы №42 пилоттық балабақшада «Қазақ тіліне бойлау жобасын» ендіру. "Жетісу" арнасы
"Білім беру бағдарламалары орталығы" 2018-2019 оқу жылынан бастап Астана, Көкшетау және Талдықорған қалаларындағы пилоттық балабақшаларда мемлекеттік тілді дамыту мақсатында «Қазақ тіліне бойлау жобасын» трансляциялап келеді. Жыл сайын балабақша педагогтеріне оқыту семинарлары, тренинг, мониторинг өткізіліп, әдістемелік көмек көрсетілуде.
2022 жылғы қазан айының 28-30 аралығында мектепке дейінгі және бастауыш білім беру бөлімінің әдіскерлері Қ.Қ. Байтенова, П.Қ. Бигазина және Ж.Б. Қажығалиева аталған үш қаладағы балабақшаларда мониторинг-семинар жүргізді. Әр топтағы ұйымдастырылған оқу әрекетін бақылау нәтижесі бойынша мұғалімдерге кері байланыс беріп, тіл дамыту мақсатында ұсыныстар жасады.
Назарларыңызға Талдықорған қаласындағы №42 пилоттық балабақшада «Қазақ тіліне бойлау жобасын» ендіру туралы "Жетісу" телеарнасының хабарын ұсынамыз.