Who She Will Become (Karen)
In this video, an immigrant family welcomes a new baby, and takes important steps to keep her safe.
Transcript:
ပသးခုဒိၣ်မးလၢပက့ၤစိာ်ဘၣ်ပဖိအိၣ်ဖျဲၣ်သီဆူဟံၣ်, ဘၣ်ဆၣ်ပသးကနိးတစဲးတမွဲးစ့ၢ်ကီး. ဒ်မိၢ်ပၢ်အဂၤတဖၣ်အသိး, ပအဲၣ်ပဖိဆံးဒီးပအဲၣ်ဒိးမၤလီၤတံၢ်လၢအကပူၤဖျဲးဒီးတၢ်လီၤဘၣ်ယိၣ်.
သူကါအလီၢ်ဆ့ၣ်နီၤအဘၣ်ကတၢၢ်လၢအဂီၢ်မ့ၢ်ဝဲတၢ်အဆိကတၢၢ်တမံၤလၢပမၤတၢ်ဒီသဒၢလၢအဂီၢ်ဖဲအစံၣ်လီၤတၢ်ဆါဟံၣ်ဝံၤအလီၢ်ခံလီၤ.
ထီဘိန့ၣ်ပမၤကွၢ်ထံလၢအကလုၢ်ဝဲအတၢ်ကိၢ်တၢ်ခုၣ်ဒ်သိးအသုတကိၢ်တလၢခုၣ်တလၢလၢအဂီၢ်, ဒီးပတပျဲအအိၣ်ဖဲတၢ်လုၢ်ထံလီၢ်ထဲတဂၤဧိၤဘၣ်.
ပဖးယုၤအီၤလံာ်ကိးနၤဒဲးလၢအကဆီၣ်ထွဲမၤစၢၤအတၢ်လဲၤထီၣ်လဲၤထီဒီးအိၣ်ကတီၤသးလၢအတၢ်လဲၤထီၣ်ကၠိအဂီၢ်.
ဖဲအအီၣ်တၢ်သ့လံအခါ, ပစးထီၣ်ဒုးအီၣ်ဆိအီၤလၢတၢ်အီၣ်အိၣ်ဒီးအထံအနိ, ဒီးပမၤလီၤတံၢ်လၢအမ့ၢ်တၢ်အီၣ်န့ၢ်ဂံၢ်န့ၢ်ဘါလၢအဂီၢ်. ယဘၣ်ယိၣ်လၢအအီၣ်ဝဲတန့ၢ်ဒ်အကြၢးအီၣ်ဝဲအသိး.
ပပာ်လီၤတၢ်တြီတံၢ်ဃာ်တၢ်တဖၣ်ဒ်သိးအသုတလဲၤထီၣ်ဘၣ်ဖဲဃီလိၤဒီးလဲၤဘူးဘၣ်ဖဲပဲတြီကပၤဒီးအသုတဘၣ်ဒိဘၣ်ထံးအဂီၢ်.
ဖဲကီၢ်အမဲရံကၤအပူၤ, ဖိသၣ်ဆံးတဖၣ်ကဘၣ်လဲၤထံၣ်လိာ်အကသံၣ်သရၣ်အစှၤကတၢၢ် ၆ ဘျီဖဲအနံၣ်ခီၣ်ထံးတနံၣ်အတီၢ်ပူၤ. အတၢ်လဲၤထံၣ်လိာ်တဘျီစုာ်စုာ်, ကသံၣ်သရၣ်ကတဲဘၣ်ပှၤလၢမ့ၢ်အအီၣ်အီတၢ်လၢပှဲၤ, ဒိၣ်ထီၣ်ထီထီၣ်လၢပှဲၤ, ဒီးမၤလိန့ၢ်တၢ်လၢပှဲၤအဂ့ၢ်. ပသးခုဒိၣ်မး.
ကသံၣ်သရၣ်ဆၢတဲာ်စၢၤပှၤလၢပကြၢးဟ့ၣ်အီၤကသံၣ်ဆဲးဒီသဒၢဖဲလဲၣ်တခါအဂ့ၢ်လီၤ. ဒ်သိးအတၢ်ဒိၣ်ထီၣ်ကပှဲၤဒီးတၢ်အိၣ်ဆူၣ်အိၣ်ချ့အဂီၢ်, ပသ့ၣ်ညါလၢပကဘၣ်တြီဆၢစၢၤအီၤလၢတၢ်ဆူးတၢ်ဆါတဖၣ်ဒ်အမ့ၢ်တၢ်ထီၣ်ထါ, ပိၣ်လံၣ်အိၣ်, သမူးဖိ, ဒီး COVID-19 တၢ်ဆါ. ခဲအံၤန့ၣ်အဝဲဆဲးဘၣ်ဝဲဒၣ်ကသံၣ်ဒီသဒၢဒံးသိးပှၤ.
ပှၤဂၤတအဲၣ်အီၤထဲသိးဒီးပအဲၣ်အီၤဘၣ်ဒီးပသးခုလၢပမၤဘၣ်တၢ်လၢအဂီၢ်ခဲလၢာ်သ့ဝဲလၢအဒုးပူၤဖျဲးအီၤလၢတၢ်လီၤဘၣ်ယိၣ်လီၤ. ပသူၣ်ပိၢ်သးဝးဒိၣ်မးလၢပခိးကွၢ်ဘၣ်အတၢ်ဒိၣ်ထီၣ်ဒီးထံၣ်ဘၣ်လၢအကကဲထီၣ်ပှၤဒ်လဲၣ်လီၤ.