Хива шаҳрида Янги нафас спорт марафони бўлиб ўтди
Жорий йилнинг 3- сентябрь куни Ўзбекистон Республикаси давлат мустақиллигининг ўттиз икки йиллик байрамига бағишлаб Хива шаҳрида Янги нафас спорт марафони бўлиб ўтди. Марафоннинг масофа узунлиги 3 кмни ташкил этди.
Республикамизнинг 16 та шаҳри “Бир ватанда, бир вақтда, бир масофага, бир мақсадда – бирга югурамиз!” шиори остида бирлашишди. Иштирокчилар учун ягона старт эрталаб соат 6:30 да берилди.
Тақдирлаш маросимида вилоят ҳокими Жўрабек Рахимов ғолибларга диплом медаль ва қимматбаҳо совғаларни топширди.
Ушбу оммавий югуриш мусобақаси Хива шаҳрида илк маротаба ташкил этилиб, спорт ихлосмандларининг қизиқишлари янада ортишига сабабчи бўлди.