Қазақстандық үлесті арттыруға бағытталған қадамдар
БҚО-дағы Қарашығанақ кен орнын игеруге жұмсалған инвестиция толығымен қайтарылды. Таяу жылдардың еншісіндегі ең басты мәселе өндірілген өнімнен түсетін пайданы бөлудің жаңа жүйесін жасақтау болатын. Яғни, ендігі жерде кеніштен алынатын пайданың 80%-ы қазақстандық тарапқа бағытталмақ. Бұл туралы Орал қаласында жер асты байлығын игерушілермен кездескен ҚР Мұнай және газ министрі Ұзақбай Қарабалин мәлім етті. Бұған қоса қазіргі таңдағы ең түйткілді мәселе -- қазақстандық үлесті арттыру бағытында кешенді шараларды қолға алу. Қарашығанақ жобасына қатысушы қазақстандықтардың саны бірлі-жарым екендігі анық. Министр ендігі жерде жобалау кезеңінде отандық өндірушілердің әлеуеті ескерілетінін атап өтті. Сонымен қатар жаңа тендер саясаты жасақталып, келісімдерде өндірілетін өнім мен қызмет көрсетудің пайыздық көлемі нақты көрсетілетін болады. Ұзақбай Қарабалин, ҚР Мұнай және газ министрі: - Елбасының тапсырмасы бойынша соларға жұмыс көрсететін, керекті жабдықтар шығаратын мекемелер және зауыт, цехтар болсын, сондай кластер құру керек екендігі айтылды.