Тушда жанжал кўрса
Тушда уришиш, жанжаллашиш туш кўрган одамнинг ички зўриқиши, стрессда эканлигини билдиради. Яқин кишиси билан уришиш – ёлғизликка ишора. Тушда кимлар биландир баҳслашиб, бундан роҳатланиш – яхшиликка.
Эркак киши тушида севгани билан уришса – бу рақиблар томонидан хавф-хатар борлигидан. Ҳомиладор аёл тушида ким биландир уришса – соғлом бола туғилади. Тушда ота-она билан уришиш яқин дўстлар айби билан юз берадиган нохушликларга ишора. Қариндошлар билан жанжаллашиш – таътилга.
Тушда ўртоғингиз билан жанжаллашсангиз, бу берган ваъдаларингизни бажаролмайсиз дегани. Агар хотин эри билан уришса, улар эркакнинг хиёнати туфайли ўнгда ҳам жанжал қилишади. Севишган жуфтликнинг жанжали тушга кирса оилада муносабатлар ёмонлашувига ишора.
Агар киши тушида яқини билан уришса ва у билан ажрашса, ўнгида жанжалли воқеанинг марказида қолади.
Агар тушда жанжал вақтида ғазаб отига минса, катта пулни ютқазишидан далолат бўлади.
Тушда яқинларнинг жанжалида иштирок этиш – бахтсизликка, дўстларнинг жанжалини кузатиш – оилавий муаммоларга.
Кичкина қизча билан уришиш – ижтимоий аҳволнинг яхшиланишига ишора. Ўғил бола билан жанжаллашиш кайфият бузилишига. Агар туш кўрувчи рақиби билан жанжаллашса, уни қарзлар ва кредитлар кутаяпти. Бундай туш кўрган одам қўлида борига ишониши ва ортиқча мажбуриятни бўйнига олмаслиги керак.
Ким тушида тинимсиз жанжаллашса, ўзига салбий ҳиссиётларни йиғаётган бўлади. Ичингизда айтилмаган хафаликлар, жавобсиз туйғулар, салбий ҳислар йиғилиб қолган. Уларни ўзингизда тўплаб тураверсангиз, руҳий ҳолатингизга зарар бўлиши мумкин, уларни чиқариб юборинг.
Агар тушда ҳақорат сўзлар айтиб уришаётган бўлсангиз, бу касалликка. Сизда салбий қувват йиғилиб қолган.
Агар тушингизда сизни уришсалар – сизга ёмонлик тилашаяпти, аммо бу ўзларига қайтади, сиз эса нохушликларга чап бериб қоласиз.
Тушда ҳақорат сўзларни айтилаётганини эшитсангиз – расмий маросимда қатнашасиз.
Киши тушида сўкинса, ўнгида ичидаги ёмон хаёлларни қувмаса, дўстлари юз ўгиради.
Агар бошқалар бир-бири билан ёмон сўзлар айтишаётганини тушда кўрсангиз, душманларингиз пайт пойлаяпти, ёлғонлардан эҳтиёт бўлинг.
Баъзида тушда уришиш уришган кишингиз билан алоқани узишни истаётганингизга ишора.
Агар тушда жаҳл, ғазаб билан бақириб жанжал қилаётган бўлсангиз, ўнгда сиз онгингиздан ўзингизга ишончсизликни, нимадандир қўрқувни қувишга ҳаракат қилаяпсиз. Сиз ўзингизни ҳақлигингизни исботламоқчи бўлаяпсиз, аммо бунга журъат қилолмаяпсиз.