Тушда кино воқеаларига тушиб қолиш ||
Тушлар олами сирли ва биз тушимизда хаёлга келмаган вазиятларга дуч келамиз, кутилмаган лаҳзаларни бошдан кечирамиз. Баъзида киши тушида кинога тушиб қолади. Кўпинча буни ухлашдан олдин томоша қилинган бадиий фильм ёки сериаллар таъсири деб ўйлаймиз. Аммо хулоса қилишга шошилманг, тушда кинога тушиб қолиш, кино ёки сериал кўриш, кинотеатрга боришнинг ўзига хос таъбирлари бор.
Агар тушингизда ўзингизни кино экранларида кўрсангиз, бу ажойиб бир таклифга ишора бўлиши мумкин. Сизни қизиқарли саргузаштлар кутаяпти, саёҳатга чиқишингиз ҳам мумкин. Туш сизда қарама-қарши ҳиссиётларни уйғотади. Чунки сиз бир вақтнинг ўзида икки жойдасиз – ҳам томошабин, ҳам актёр. Ҳаётда жуда кўп ҳаяжонланадиган ва кўп афсусланадиган кишилар ҳам тушида ўзини кино қаҳрамонлари орасида кўриши мумкин.
Тушда фильм қаҳрамони бўлиш, фильм воқеалари туш кўраётган кишининг ҳаётда ўзига кўпроқ эътибор тортиш истагини билдиради.
Агар тушингизда кинотеатрга кирсангиз, ўнгингизда ғалати бир ҳодиса юз берадики, дўстларингиз, танишларингизга сўзлаб берсангиз ишонишмайди.
Тушда телевизорда кино кўриш – ўнгда оқибатда қувонч келтирмайдиган қимматли нарсага пул сарфлашингизга ишора қилади.
Ўзингизни қандайдир фильмнинг бош қаҳрамони сифатида кўрсангиз, ўнгда бу ўзингиз ҳақингиздаги фикрларингиз атрофдагиларда қолдирган таассуротлар билан мос келмаслигини билдиради.
Агар тушингизда машҳур кинорежиссёрнинг янги картинасида суратга тушаётган бўлсангиз, таниқли юлдузларнинг орасида юрсангиз, ўнгда сизни энг оддий кундалик ишларда ҳафсаласизлик кутмоқда.
Туш таъбирида кинонинг қайси жанрда эканлиги ҳам ҳисобга олинади албатта. Ҳатто кино санъатида шундай услуб борки, унда тушда кўрилган воқеаларга асосланиб фильм суратга олинади, сценарийлар ёзилади.
Агар сиз тушингизда муҳаббат ҳақидаги фильмга тушиб қолсангиз – ўнгда сизга романтик муносабатлар етишмайди.
Сериал – кундалик ҳаётингиз жуда зерикарли, дам олишга боринг, саёҳат қилинг, ҳаётингизга ранг беринг.
Ҳарбий фильм – сиз ўзингиз билан ичдан курашаяпсиз, муаммоларингизни жиддий таҳлил қилиб, тўғри ечим топмасангиз, руҳингизни чарчатиб қўясиз.
Комедия – ўта жиддийликдан бироз чекининг, айрим нарсаларга юмор ҳисси билан қарашни ўрганинг.
Саргузашт фильмларни кўрсангиз – ҳаётингизда ўзгаришлар, янгиликлар жуда кам, ўзингизга янги иш, хобби топинг, вақтингизни қизиқарли ўтказишга ҳаракат қилинг.
Тушингизда фантастик фильмлар кўрсангиз – сиз реалликдан жуда узоқлашиб кетгансиз, осмонлардан тушиш вақти келди.
Даҳшатли фильмларни тушда кўриш – ўнгда сизни нимадир қаттиқ хавотирга солаётгани, қўрқитаётганидан бўлади, бу ҳаяжонлардан қутулиш керак.
Тушда мелодрамада роль ўйнаш – ҳаётдаги жавобсиз севгига ишора.
Детектив фильмларни туш кўриш – ҳаётдаги бир хилликдан чарчаганлик белгиси.
Ўзингизни таниқли актёр ёки актриса билан бирга кўрсангиз, бу ўнгда омадсизликка ишора.
Беҳаё саҳналарда иштирок этиш – ўнгда кимдандир ҳақорат эшитишни билдиради.
Тушингизда жангари фильмлар ичига кириб қолсангиз, бу ўнгда рақобатчилар билан курашга ишора.
#kino #tush #tushda #tushga #kinoga #tushish