امريکا کې د نيو اورلینز بريدګر څوک و، او بريد يې څه پايلې ښايي ولري؟ بي بي سي
امریکا کې ولسمشر بايډن وايي هغه کس چې نيو اورلينز ښار کې یې يو پېکپ ګاډی پر خلکو ورخېژولی، له خپل بريد مخکې پر ټولنيزو رسنيو د اسلامي دولت نومې ډلې په پلوۍ ويډيوګانې خپرې کړې وې. دې بريد کې ۱۵ کسان وژل شوي، او لږترلږه ۳۵ نور يې ژوبل کړي دي. چارواکي وايي باور کوي، دی دې کار کې يوازې نه و. بريد د نيواورلينز فرانسوۍ برخه کې شوی، چې د شپې مهال يوه خورا بوخته سيمه وي. د ګاډي چلونکي بريدګر نوم، شمس الدين جبار ياد شوی، چې د امريکا ټکساس وګړی و، او له پوليسو سره د ډزو تبادله بيا وژل شوی دی. همدې وخت کې ټاکل شوي ولسمشر ډونلډ ټرمپ د پېښې مخنيوي کې د امريکاييو چارواکو او قانون پلي کوونکو ادارو پر ناکامۍ نیوکې کړې دي. اوس داسې حال کې چې پلټنه روانه ده، د امريکا پلټنو فډرالي اداره، اېف بي ای، د پوښتنو ګروېږنو څو ليکې څاري.
#BBCPashto #BBCPashtoTV #BBCNarayDaWakht
Subscribe for more videos: https://www.youtube.com/c/BBCPashto?s...
Youtube: / @bbcpashto
Like us on Facebook: / bbcpashto
Follow us on Twitter: / bbcpashto
Instagram: / bbcpashto