„BADNIK GO DOZIVEAV SO ISKLUCENA STRUJA“ | ЕP13 ALEKSANDAR GALOSKI | RESET
Денес во тринаесетата епизода на „RESET“ ни гостува диџејот Александар Галоски.
Некои знаат да кажат, „Ако не можат да те променат, ќе се обидат да го променат наративот за тебе“, па така често низ годините ќе слушнев разноразни приказни за патот по кој чекори Галоски. Иако редеше успеси и ги објавуваше често на своите социјални мрежи, сепак медиумите беа „глуви“ на него, а тоа остави доволен простор луѓето да креираат слика за него.
И после толку години кариера, се уште чувствува како да треба повторно и повторно да се докажува пред македонскиот народ. Лично го познавам како пријатен човек, никогаш конфликтен, насмеан, сталожен и секогаш фокусиран на својата работа, но што знам повеќе од тоа? Така еден ден почувствував дека треба да го поканам и да го прашам како му е, кога никој тоа не го прави за него. Пред да искреираме ново сценарио за него, зошто заедно да не ја видиме неговата страна од приказната?
Во оваа епизода дознаваме за животот без миксета, за поддршката од мајка си и победата над канцерот, за деновите без струја и ангажмани, па се до моментот во 2015 година кога за прв пат го промовирал Avicii, Hardwell и Tiesto.
Денес учиме лекција - Успехот најтешко се простува. Ако, продолжи понатаму.
Со љубов,
Нина